Qytetarët e Bashkisë Klos u kanë bërë thirrje banorëve të zonës që t’i bashkohen protestës paqësore që do të zhvillohet sot në orën 18:00, në mbrojtje të Bashkisë së Klosit dhe kundër çdo ndryshimi që, sipas tyre, cenon identitetin dhe të ardhmen e zonës.
Në thirrjen publike theksohet se protesta është qytetare dhe jo politike, duke ftuar të gjithë banorët, pavarësisht bindjeve të tyre, të marrin pjesë për të mbrojtur interesat e përbashkëta të komunitetit.
“Le të dëgjohet zëri i qytetarëve dhe të tregojmë se Klosi nuk dorëzohet”, thuhet në mesazhin e shpërndarë për organizimin e protestës.
