Pavarësisht mbylljes së seancës së fundit plenare në Kuvendin e Shqipërisë për këtë sesion parlamentar, një grup i vogël protestuesish vazhdon të qëndrojë pranë godinës së parlamentit.
Protestuesit shfrytëzuan momentin kur Taulant Balla, kreu i Grupit Parlamentar të PS-së, po dilte nga ambientet e Kuvendit për t’i hedhur vezë automjetit të tij.
Mësohet nga pamjet se ata ishin pozicionuar në zonën e xhamisë së Namazgjasë në momentin e hedhjes së vezëve, për t’u larguar menjëherë më pas me nxitim. Menjëherë pas incidentit, forcat policore u paraqitën në vendngjarje dhe rrethuan zonën.
