Një bllokim i rëndë trafiku ka penguar hyrjen në Shkodër gjatë mesditës së së hënës, me vargjet e automjeteve që fillojnë nga Beltoja dhe arrijnë deri në qendër të qytetit. Kjo distancë, e cila shtrihet për rreth 8 kilometra, po kërkon rreth një orë për t’u përshkuar nga drejtuesit e mjeteve.
Kolonat e mjeteve arrijnë deri pranë Kishës së Zojës, ku fluksi i madh i automjeteve ka ngadalësuar dukshëm lëvizjen në hyrje të qytetit. Ky fenomen lidhet kryesisht me rritjen e lëvizjes gjatë sezonit turistik, duke bërë që hyrjet dhe daljet nga Shkodra të shoqërohen me radha të gjata automjetesh.
