Pak minuta më parë në Kurbin janë dëgjuar të shtëna armësh, duke lënë të plagosur një të ri 22-vjeçar. Viktima është identifikuar si Veron Pasha.
Menjëherë pas incidentit, 22-vjeçari është dërguar në Spitalin e Traumës, ku po trajtohet nga mjekët. Të dhënat e para tregojnë se ai ka pësuar një plagë me armë zjarri në zonën e kofshës së këmbës.
Veron Pasha ndodhet nën kujdesin e stafit mjekësor dhe mësohet se gjendja e tij është e qëndrueshme.
Policia ka mbërritur në vendngjarje me forca të shumta dhe ka nisur hetimet për të sqaruar plotësisht rrethanat si dhe për të identifikuar dhe arrestuar autorin apo autorët e ngjarjes.
