Një i ri 22-vjeçar është plagosur në qytetin e Laçit.
Të dhëna nga Spitali i Traumës bëjnë me dije se Veron Pasha, 22 vjeç, është paraqitur për trajtim mjekësor duke patur plagë në zonën e kofshës në këmbë.
Sipas po këtyre burimeve, aktualisht ai po mbahet nën kujdesin e personelit mjekësor dhe gjendja e tij shëndetësore vlerësohet stabël.
Incidenti është shënuar në lagjen “Sanxhaku” të qytetit, ndërkohë që ende nuk janë sqaruar arsyet dhe rrethanat e kësaj plagosjeje.
