Një ngjarje e rëndë është shënuar këtë të enjte në Bjeshkët e Strellcit, në Deçan, ku një person ka humbur jetën nga një e shtënë me armë zjarri.
Viktima dyshohet të jetë Shpend Hasanramaj, ndërsa sipas informacioneve paraprake, autori i dyshuar është djali i tij, Erdonit Hasanramaj. Dyshohet se ngjarja ka ndodhur aksidentalisht.
Policia ka arrestuar të riun dhe ka sekuestruar armën e zjarrit që dyshohet se është përdorur në ngjarje. Rasti po hetohet për të zbardhur plotësisht rrethanat.
