Agjencia Kombëtare e Zonave të Mbrojtura ka bërë të ditur se Pula e Egër (Tetrao urogallus) është identifikuar në Parkun Kombëtar “Alpet e Shqipërisë”. Ky zbulim shpreh rëndësinë e këtij shpendi, i cili është ndër më të mëdhenjtë dhe më të rrallë në pyjet malore të vendit.
Kjo specie favorizon habitatet në pyje halore dhe të përziera, duke u vendosur në zona të qeta ku ndikimi i njeriut është minimal. Mashkulli i Pulës së Egër është i njohur për përmasat e tij të mëdha dhe pendët e errëta, ndërsa femra është e dallueshme për ngjyrat kafe camufluese që ndihmojnë në procesin e folezimit.
Pula e Egër ushqehet me një dietë që përfshin fara, sytha, gjethe, manaferra dhe insekte, duke luajtur një rol të rëndësishëm në ruajtjen e ekuilibrave në ekosistemet pyjore. Po ashtu, ajo shërben si një tregues për biodiversitetin e lartë dhe shëndetin e pyjeve.
