Pas pesëdhjetë vjetësh nga dita e diplomimit, ish-maturantët e vitit 1976 të gjimnazit “Jordan Misja” u rikthyen në ambientet e shkollës për të festuar këtë jubile të rëndësishëm. Takimi ishte i mbushur me emocione, përqafime dhe shumë kujtime, ndërsa ata e ndanë këtë moment pas një periudhe dhjetëvjeçare nga hera e fundit që ishin takuar.
Alfred Harusha, organizatori i këtij aktiviteti, së bashku me ish-maturantin Aleksandër Hila, ndanë emocionet e rikthimit në bankat e shkollës dhe vlerësuan rëndësinë e ruajtjes së miqësive përgjatë viteve.
Momente të veçanta përjetuan gjithashtu ish-mësuesit si Habibe Burrja, Tef Prela, Terezina Ronkali, etj., të cilët shprehën gëzim për mundësinë që panë sërish nxënësit e tyre pas një periudhe kaq të gjatë.
Atmosfera e takimit ishte miqësore, me kujtime nga vitet e gjimnazit që u ndanë mes të pranishmëve. U risollën në mendje ngjarje të veçanta të asaj kohe, dhe u nderua me respekt kujtimi i shokëve dhe mësuesve që nuk janë më. Ky jubile shërbeu si një festë e miqësisë, kujtesës dhe mirënjohjes për vitet që i bashkuan këta individë.
