Deputeti socialist i qarkut të Lezhës, Ermal Pacaj, ka reaguar lidhur me protestat e banorëve të Rrjollit, duke drejtuar kritika ndaj sistemit të drejtësisë dhe mënyrës se si, sipas tij, çështja po politizohet.
Pacaj deklaroi se banorët kanë protestuar vazhdimisht për të kërkuar të drejtat e tyre, por shtoi se forca të ndryshme politike po e përdorin këtë kauzë për përfitime politike, duke larguar vëmendjen nga problemi kryesor.
Sipas deputetit, çështja e Rrjollit është mbi të gjitha një problem i drejtësisë, të cilën ai e cilësoi si një “maskaradë”, ndërsa shprehu shpresën se me reformën në drejtësi situata do të ndryshojë në të ardhmen.
