Një grup turistësh, gjatë vizitës së tyre në Shkodër, kanë zgjedhur të eksplorojnë Liqenin e Shkodrës me kanoe dhe të shëtisin pranë zambakëve të ujit, duke mbetur të mahnitur nga bukuritë natyrore të zonës.
Ata e kanë përshkruar liqenin si një destinacion të mrekullueshëm, ku natyra, qetësia dhe peizazhet unike krijojnë një përvojë të paharrueshme për çdo vizitor.
Rasti i tyre është një tjetër dëshmi e interesit në rritje që po zgjon Liqeni i Shkodrës tek turistët vendas dhe të huaj, duke e kthyer atë në një nga pikat më tërheqëse të turizmit natyror dhe të aventurës në veri të Shqipërisë.
