Autoritetet evropiane kanë arritur të sekuestruan 20 milionë cigare dhe 38.4 ton gjethe të prerë të duhanit, duke goditur dy rrjete ndërkombëtare kriminale me qendër në Spanjë. Ky operacion është realizuar në bashkëpunim me disa vende të Bashkimit Evropian, Zyrën Europiane Kundër Mashtrimit (OLAF) dhe Europol-in.
Sipas informacioneve nga OLAF, këto rrjete kriminale dyshohen se janë të angazhuara në prodhimin, shpërndarjen dhe trafikimin e produkteve të falsifikuara të duhanit, me një vlerë të përgjithshme prej rreth 10 milionë eurosh.
Muajin e kaluar, autoritetet realizuan 23 kontrolle në banesa, ambiente biznesi dhe magazina industriale në disa provinca të Spanjës.
Gjatë këtij operacioni, janë sekuestruar gjithashtu 18 automjete, pajisje të ndryshme për prodhimin e duhanit, pajisje elektronike të koduara, një shumë prej 170 mijë eurosh në para të gatshme, si dhe disa armë zjarri. Në përfundim, 50 persona u arrestuan, ndërsa dy të dyshuar iu dorëzuan autoriteteve polake.
Operacioni përfshiu Guardia Civil të Spanjës, Byrosë Qendrore të Hetimeve të Polonisë, Gardën Kombëtare Republikane të Portugalisë, Byrosë së Policisë Kriminale të Lituanisë, si dhe OLAF-in dhe Europol-in.
Drejtori i OLAF-it, Petr Klement, theksoi se duhani i falsifikuar paraqet një rrezik më të madh për shëndetin krahasuar me produktet tradicionale të duhanit, duke shtuar se tregtia ilegale e cigareve dëmton buxhetin publik dhe mbështet aktivitetet e krimit të organizuar. OLAF ka njoftuar se hetimet për këtë çështje vazhdojnë.
