Një ngjarje e rëndë ka ndodhur pasditen e së enjtes në qytetin e Lezhës, ku një i ri është plagosur me thikë. I lënduari identifikohet si Renato Leka, rreth 30 vjeç.
Sipas njoftimit nga policia, 30-vjeçari aktualisht ndodhet nën kujdesin e mjekëve dhe po merr trajtimin e nevojshëm, ndërsa jeta e tij nuk është në rrezik.
“Rreth orës 16:20, kemi marrë njoftimin se në Spitalin Rajonal Lezhë ka shkuar për ndihmë mjekësore shtetasi R. L., rreth 30 vjeç, i cili dyshohet se është plagosur me mjet prerës (thikë) në dorë.
Shtetasi ndodhet në kujdesin e mjekëve, duke marrë trajtimin e nevojshëm mjekësor, jashtë rrezikut për jetën.
Një grup i posaçëm hetimor është formuar për të hetuar rrethanat e këtij incidenti dhe për të identifikuar e kapur autorin ose autorët e ngjarjes,” njofton policia.
