Të paktën 28 individë kanë humbur jetën në një zjarri të madh që përfshiu një fabrikë këpucësh në qytetin Jinjiang, në provincën Fujian të Kinës lindore.
Flakët shpërthyen rreth mesditës të enjtes në fabrikën Huiteng Shoes, me autoritetet që raportuan frikën për disa orë se ndonjë person mund të ishte ende i bllokuar brenda godinës.
Pamjet që u transmetuan nga televizioni shtetëror kinez CCTV paraqitën zjarrfikësit që po luftonin me flakët, ndërsa tym i dendur i zi dilte nga ndërtesa shumëkatëshe. Në video dukeshin gjithashtu persona që kërkonin strehim pranë dritareve dhe në çatinë e objektit, ndërsa zjarri kishte përfshirë katet e poshtme.
Ministria kineze e Menaxhimit të Emergjencave njoftoi se 183 zjarrfikës dhe efektivë të shpëtimit ishin angazhuar në vendngjarje, të mbështetur nga 35 mjete zjarrfikëse, për të shuar flakët, për të kërkuar të mbijetuarit dhe për të ndihmuar të plagosurit.
“Duhet të identifikohet sa më parë shkaku i aksidentit dhe personat përgjegjës të mbajnë përgjegjësi të plotë sipas ligjit”, theksoi Xi.
Sipas mediave shtetërore kineze, disa individë rezultuan fillimisht të bllokuar dhe pa kontakte me ekipet e shpëtimit. Autoritetet kanë nisur hetimet për të përcaktuar shkaqet e zjarrit.
Kjo tragjedi ndodh në një kontekst ku Kina ka intensifikuar kontrollet për sigurinë nga zjarret, pas disa incidenteve fatale që ndodhën muajt e fundit në ndërtesa banimi dhe objekte të tjera në vend.
