Një zjarr i përmasave të konsiderueshme është raportuar mëngjesin e kësaj të marte në qytetin e Elbasanit.
Një banesë private është përfshirë nga flakët në zonën e njohur si “Kryqëzimi i 1 Majit”, në rrethana ende të paqarta.
Zjarrfikësit ndodhen në vendngjarje dhe po punojnë për izolimin dhe shuarjen e flakëve, me qëllim parandalimin e përhapjes së zjarrit në apartamentet përreth.
Deri në këto momente nuk dihen shkaqet e rënies së zjarrit, ndërsa nuk ka ende informacion zyrtar për persona të lënduar.
Autoritetet po vijojnë hetimet për zbardhjen e plotë të rrethanave të ngjarjes.