Një aksident është regjistruar mbrëmjen e kësaj të mërkure në unazën lindore të Fierit.
Një automjet, është përpjekur të largohet me shpejtësi, duke mos iu përgjigjur thirrjes së policisë për të ndaluar, dhe si pasojë është përplasur me një automjet të parkuar.
Si pasojë e përplasjes, drejtuesi i automjetit është dëmtuar dhe u transportua me urgjencë në Spitalin Rajonal Fier, ku ndodhet nën kujdesin e mjekëve, jashtë rrezikut për jetën.
Në vendngjarje kanë shkuar shërbimet e policisë, forcat zjarrfikëse dhe grupi hetimor, të cilët po punojnë për zbardhjen e dinamikës së aksidentit.
Ndërkohë drejtuesi i mjetit do të shoqërohet në komisariat për veprime të mëtejshme hetimore.
