Pas armëpushimit të arritur në fund të qershorit mes Izraelit dhe Hezbollahut, mbi 600 mijë qytetarë libanezë që ishin zhvendosur për shkak të luftimeve janë rikthyer në shtëpitë e tyre, sipas njoftimit të bërë sot nga Organizata Ndërkombëtare për Migracionin (IOM).
IOM raportoi se më shumë se një milion individë ishin detyruar të largoheshin nga banesat e tyre gjatë konfliktit për shkak të intensifikimit të luftimeve dhe sulmeve në jug të Libanit.
Përplasjet filluan më 2 mars, kur Hezbollah ndërmori ofensiva ndaj Izraelit, duke e justifikuar veprimin si hakmarrje për vrasjen e udhëheqësit suprem të Iranit, gjatë sulmeve të përbashkëta të SHBA-së dhe Izraelit ndaj Republikës Islamike, që kishte nisur më 28 shkurt.
Kthimi i qindra mijëra banorëve shikohet si një hap i rëndësishëm drejt normalizimit të situatës, megjithatë organizatat humanitare paralajmërojnë se shumë prej këtyre zonave ende përballen me nevoja të mëdha për rindërtim dhe ndihmë.
