Edhe pse gjatë merkatos së verës u raportua se Vllaznia kishte shprehur interes për Edison Ndrecën, kjo pistë duket se nuk mori më shumë zhvillim. Largimi i Andrey Yago kishte lënë një boshllëk në pozitën e mbrojtësit të krahut të majtë, por me kalimin e kohës, qëndrimi në Shkodër u bë më i vështirë dhe skuadra shpalli përforcimin e Xhezair Avdulit për këtë rol.
Megjithatë, Ndreca tërhiqte vëmendjen e disa skuadrave të tjera. Në fund, ai vendosi të rikthehet te Egnatia, klubi ku fitoi titullin kampion. Sot, ai u prezantua nga klubi rrogozhinas, që kështu forcon akoma më shumë ekipin e tij.
Egnatia tashmë po konfirmohet si skuadra më aktive në merkato brenda Abissnet Superiore. Trajneri Nevil Deve tani ka në dispozicion një gamë të gjerë zgjedhjesh për mbrojtjen, veçanërisht në krahun e majtë.
Me lojtarë si Andrej Yago, Xheferon, dhe Numan Ajeti, i cili ka firmosur së fundi, ekipi disponon shumë mundësi për formacionin. Sfida e parë e sezonit do të jetë përballë Petrokub, me objektivin e kalimit në turin e dytë të Ligës së Kampioneve.
Nga Gazeta Shkodra Sport
