Burime për Northpress.tv bëjnë me dije se është pezulluar nga detyra drejtori i AKU-së Shkodër, Ramir Haderi. Sipas informacioneve, në vend të tij është komanduar Arsen Heto, i cili do të drejtojë përkohësisht institucionin.
Haderi, i konsideruar si një nga njerëzit e afërt dhe bashkëpunëtor i Elisa Spiropalit dhe Benet Becit, mësohet se është pezulluar pas pretendimeve për abuzime në ushtrimin e detyrës, si edhe për shkarkimin e disa inspektorëve të AKU-së.
Kujtojmë se vetëm pak ditë më parë, Ramir Haderi u dhunua me mjete të forta nga persona ende të paidentifikuar në Shkodër. Ai mbeti i plagosur dhe u transportua për të marrë ndihmë mjekësore, ndërsa autorët e ngjarjes vijojnë të jenë në kërkim nga organet ligjzbatuese.
