Një të ri shqiptar është arrestuar nga policia italiane në Padova, për shkak të lidhjeve të tij me trafikun e drogës.
I ndaluari, 21 vjeç, është banor i provincës së Breshias, konkretisht në komunat Este dhe Sant’Elena, dhe kishte një rekord të mëparshëm kriminal.
Pasi morën informacione rreth tij, karabinierët ngritën postblloqe dhe formuan grupe ndjekjeje për një automjet të dyshimtë, i regjistruar nën emrin e një kompanie qiraje makinash në Lombardi.
Bastisja filloi kur agjentët ndaluan automjetin në Via Principe Amedeo në Este, pikërisht kur i dyshuari po i ofronte një dozë kokaine një 31-vjeçari vendas.
I riu u arrestua dhe gjatë kontrollit të automjetit, u gjetën 12 doza të tjera të së njëjtës substancë, si dhe një shumë parash në euro.
Kontrolli u zgjerua me ndihmën e njësisë së qenve të Torreglia-s, në një dhomë në një strukturë në Sant’Elena, ku i dyshuari kishte qëndruar në ditët e fundit.
Operacioni përfundoi me rikuperimin e një sasie të konsiderueshme kokaine gati për tregti, rreth 360 doza të paketuara, si dhe 3,365 euro në para të gatshme, të ndara në kartëmonedha me prerje të ndryshme, që besohet se janë të ardhura nga veprimtari të paligjshme.
I riu u arrestua dhe me urdhër të Prokurorisë, u dërgua në Burgun e Rovigos.
