Është mbyllur këtë të enjte rrugëtimi historik i Shqipërisë në fazën “play-off” për Botërorin 2026, pas humbjes 2-1 përballë Polonisë në Varshavë.
Kuqezinjtë kaluan të parët në avantazh në minutën e 42-të me Arbër Hoxhën, duke ndezur shpresat për një kualifikim të madh. Megjithatë, në pjesën e dytë vendasit reaguan duke përmbysur rezultatin.
Robert Lewandowski barazoi shifrat në minutën e 63-të, ndërsa Piotr Zielinski shënoi golin e fitores në të 73-ën, duke vulosur eliminimin e Shqipërisë.
Ndeshja e zhvilluar në stadiumin “PGE Narodowy” shënoi edhe fundin e ëndrrës së kuqezinjve për një pjesëmarrje historike në Kupën e Botës 2026, në paraqitjen e tyre të parë në një fazë “play-off”.
