Me rastin e nderimit të mjekëve kirurgë, Spitali Rajonal Shkodër organizoi këtë të shtunë një ceremoni që theksoi kontributin e tyre të çmuar në avancimin e shërbimit kirurgjik brenda këtij institucioni shëndetësor për shumë vite.
Gjatë aktivitetit, u nderuan pas vdekjes kirurgët Mark Mirashi, Ramiz Hafizi, Ali Spahija, Ferit Hoti dhe Zyliha Kraja, ndërsa u vlerësua gjithashtu kirurgu Hamza Vneshta, i pranishëm në ceremoni.
Drejtori i Spitalit Rajonal Shkodër, Senad Hallunaj, e theksoi rëndësinë dhe dedikimin e këtyre profesionistëve, duke shprehur se ata kanë lënë një trashëgimi të çmueshme në historinë e spitalit dhe kanë kontribuar në forcimin e shërbimit kirurgjik në Shkodër.
Ai nënvizoi se përkushtimi, profesionalizmi dhe sakrifica e këtyre kirurgëve kanë shërbyer si shembuj për brezat e rinj të mjekëve dhe puna e tyre është pjesë e pandashme e historisë së Spitalit Rajonal Shkodër.
Ceremonia u zhvillua si një shenjë mirënjohjeje për angazhimin e tyre të gjatë në shërbim të pacientëve dhe sistemit shëndetësor, duke rikujtuar rolin e rëndësishëm që këta mjekë kanë luajtur në avancimin e kirurgjisë në qytetin e Shkodrës.
