Vllaznia po kërkon një sulmues dhe duket se ka gjetur një kandidat të përshtatshëm, por ky i fundit do të jetë i angazhuar vetëm për Kupat e Europës. Sipas informacionit, drejtuesit e klubit shkodran po negociojnë me Partizanin për huazimin e Rrok Tomës.
Toma është një lojtar që trajneri Martini e njeh mirë, pasi e ka stërvitur gjatë kohës që ishin së bashku tek Teuta. Ai shpreson se ai do të kontribuojë në ndeshjet europiane. Sipas burimeve, ekipi i kuq nuk ka shprehur kundërshtime ndaj këtij huazimi dhe pritet që marrëveshja të firmoset në ditët në vijim.
Po ashtu, raportohet se përveç këtij sulmuesi, Vllaznia mund të përfitojë edhe një mesfushor nga Partizani në formë huazimi për ndeshjet europiane.
Toma është pjesë e kombëtares U21 të Shqipërisë dhe është i njohur për disa veçori tërheqëse në lojën e tij, prandaj te Vllaznia janë optimistë se ai do të ofrojë ndihmë të vlefshme për sfidat në “Conference League”.
Burimi: Gazeta “Shkodra Sport”
