Deputetja e Partisë Socialiste, Marjana Koçeku, ka qenë e pranishme në protestën e zhvilluar këtë të shtunë, pas ditëve të ngarkuara, ku kërkoi të ishte deputete e pavarur, denoncimeve dhe debatit publik rreth pretendimeve të saj për kërcënime nga fisi Bajri.
Megjithëse prania e saj tërhoqi vëmendjen e protestuesve dhe mediave, deputetja nuk dha asnjë deklaratë për mediat dhe nuk u prononcua mbi zhvillimet e fundit që kanë dominuar diskutimin politik, por zgjodhi një formë tjetër reagimi.
Koçeku publikoi në rrjetet sociale një foto nga protesta, të cilën e shoqëroi me shkrimin: “N’tribunën ma t’bukur t’demokracisë 🇦🇱”.
Postimi i saj u interpretua si një mesazh mbështetjeje për protestën, ndërsa mungesa e një reagimi publik lë ende pa përgjigje pyetjet mbi akuzat dhe pretendimet e bëra prej saj gjatë ditëve të fundit.
