Një protestues, gjatë fjalës së tij në protestën që u zhvillua para Kryeministrisë, theksoi se ky është momenti që rinia të merr përsipër fatet e vendit.
“Sot nuk flas si ai mjeku i njohur, por si një prej jush, që kam marrë valixhen e rëndë, e cila është mbushur me lotët e prindërve tanë. Këto lot janë për ne. Ne do t’i shërbejmë vendit tonë. Shqipëria ka zot dhe për të luftojmë. Ne jemi ata që duhet ta avancojmë Shqipërinë. I bëj thirrje të gjithë kolegëve që u detyruan të braktisin vendin dhe lanë prindërit në mëshirë të fatit… Ne do t’u japim shpresë dhe shërbim atdheut tonë. Sa herë na ka ndodhur t’i shohim prindërit në spitale, duke vuajtur për trajtim. Sepse korrupsioni është i pranishëm në çdo qelizë dhe duhet të zhbëhet. Sot, shkrepat e shqipeve po bashkohen. Jemi së bashku dhe këto shkrepa mblidhen kur Shqipëria ka nevojë.
