Arda Kurtulan ka arritur në qendër të interesit të mediave. Klubi Fenerbahçe po bën përpjekje për ta siguruar atë nga Goztepe, por kjo situatë po krijon shqetësime për ekipin shqiptar.
Gazetari turk, Ertan Suzgun, ka hedhur dritë mbi situatën që e rrethon Kurtulan. Ai sugjeron se futbollisti me origjinë shqiptare po përballet me presion për të braktisur Shqipërinë.
“Arda Okan Kurtulan ka të drejtën të zgjedhë mes dy kombëtareve: Shqipërisë dhe Maqedonisë së Veriut,” thekson ai.
Për transfertën te Fenerbahçe, Kurtulan duhet të ofrojë garanci se do të përfaqësojë kombëtaren e Turqisë. Nëse ai nuk ofron një të tillë, do të numërohet si lojtar i huaj,” shprehet Suzgun.
Ai e kishte refuzuar më parë ftesën e Kombëtares shqiptare për arsye të ngjashme, duke e ditur se si lojtar i huaj, mund të përjashtohej nga planet. Në Turqi, përfitimi është se Kurtulan mund të aktivizohet si futbollist turk, çka po shfrytëzohet si një formë presioni në rastin e Goztepe.
Nëse ai do të largohej nga Turqia, kjo do të ishte një mundësi shpëtimi për të, duke garantuar një grumbullim të sigurt me Kombëtaren. Trajneri Maran e kontaktoi për ndeshjet e qershorit, teksa u informua për situatën aktuale.
