Një video e shpërndarë në platformën sociale Facebook nga Lëvizja “Shqipëria Bëhet” tregon momente kur shqiptarët e diasporës kanë arritur në Shqipëri për të marrë pjesë në protestën e paralajmëruar me qëllim rrëzimin e qeverisë së Edi Ramës.
Në njoftimin shoqërues të videos, është theksuar se “shqiptarët e diasporës janë kthyer për të përzënë nga pushteti ata që i kanë përzënë nga Atdheu”. Protesta është paraqitur si një reagim ndaj fluksit të qytetarëve që largohen nga vendi.
Grumbullimi është planifikuar të fillojë në orën 18:00, në ish-Stacionin e Trenit në Tiranë, nga ku protestuesit do të nisen drejt Kryeministrisë.
Po ashtu, videoja dhe postimi theksojnë marrjen pjesë të konsiderueshme të emigrantëve shqiptarë, të cilët kanë udhëtuar nga vende të ndryshme për të u bashkuar me protestën e sotme në kryeqytet.
