Këshilltari bashkiak Mirsad Basha ka reaguar lidhur me tarifat e vendosura në plazhet e administruara nga Bashkia Shkodër në Velipojë, duke vënë në pikëpyetje konceptin e “plazhit ekonomik”.
Sipas Bashës, nga katër plazhet ekonomike të miratuara nga Këshilli Bashkiak dhe të administruara përmes shoqërisë aksionere Skodrinon-Biostrajca, po aplikohet një tarifë prej 400 lekësh për shezllonet, pa një vendim të miratuar nga Këshilli Bashkiak.
Ai thekson se më herët ishte diskutuar që çmimi të ishte në nivelin 250-300 lekë, ndërsa aktualisht tarifa prej 400 lekësh është e njëjtë me atë që aplikojnë shumë plazhe private në Velipojë.
“Nuk ka asnjë arsye që plazhi i Bashkisë të ketë çmime kaq të larta, kur është krijuar me taksat e qytetarëve dhe duhet të jetë në shërbim të tyre”, shprehet Basha, duke kërkuar transparencë për mënyrën e përcaktimit të tarifave.
Sipas tij, nëse plazhet e quajtura “ekonomike” nuk ofrojnë çmime më të ulëta dhe më të përballueshme se subjektet private, atëherë humbet kuptimi i vetë emërtimit “plazh ekonomik”.
Postimi i plotë:
Ne ndarjen e re te plazheve ne Velipoje, pervec plazheve publike dhe private, kete vit do te kete edhe 4 plazhe te ashtuqujtuna “ekonomike”, te administrume nga Bashkia Shkoder permes shoqnise aksionere Skodrinon-Biostrajca, e cila administrohet direkt nga drejtuesja e Bashkise Ermira Teliti, njikohesisht edhe shefe e kabinetit dhe “shefja e shefave” ne Bashkine Shkoder.
Keto plazhe u miratunen nga Keshilli Bashkiak si plazhe ekonomike, por sot po vendoset nje tarife prej 400 lekesh per shezllonet plastike, pa nji vendim e miratim te Keshillit Bashkiak, por sipas qejfit te Biostrajces. Pak kohe ma pare u diskutu ne Keshill se cmimi do te ishte 250-300 leke.
Nuk ka asnje arsye qe cmimi ne plazhin e Bashkise te jete kaq i nalte, kur ky plazh asht kriju me taksat tona, e ky plazh bahet per popullin. Per ma teper, tarifa e ketij plazhi nuk u paraqit ne Keshillin Bashkiak per votim, e kur bahet fjale per taksat tona dhe per qytetaret, duhet miratim.
Asht e papranueshme qe nje plazh i qujtun “ekonomik” te kushtoje 400 leke, nderkohe qe sot ne Velipoje ka plazhe private me cmime 300-400 leke.
Nese plazhi i Bashkise nuk ofron nje cmim ma te ulet dhe ma te perballueshem per qytetaret, atehere cka e ban ate “ekonomik”?
