Për një kohë të gjatë, matematika ka qenë e perceptuar si një disiplinë ku djemtë bëjnë përparim dhe shënojnë rezultate më të mira. Sidoqoftë, të dhënat më të fundit sugjerojnë se kjo ide po fillon të ndryshojë, sidomos në Shqipëri.
Një analizë që është përfshirë në raportin e ri të BERZH-it, e cila mbështetet në rezultatet e testimeve ndërkombëtare PISA 2022, tregon se Shqipëria pozicionohet ndër vendet me një përfaqësim të lartë të vajzave në grupin e atyre nxënësve që shfaqin talent të jashtëzakonshëm në matematikë.
Afro 40% e nxënësve që kanë arritur rezultatet më të larta janë vajza, një sinjal që sfidon perceptimet tradicionale për dallimet gjinore në lëndët e shkencave eksakte.
Raporti gjithashtu tregon se vajzat investojnë më shumë kohë në realizimin e ushtrimeve, si dhe në pjesëmarrjen në konkurse dhe olimpiada shkencore.
