Të shtunën është parashikuar një protestë mbarëkombëtare në Rrjoll, ku pritet pjesëmarrje e gjerë qytetarësh nga e gjithë Shqipëria. Sipas banorit të zonës Prek Molla, protesta lidhet edhe me “gardhin” e vendosur në zonë, të cilin ai e krahason me atë të Zvernecit, duke paralajmëruar se në këtë tubim ai do të shembet.
Molla shprehet i habitur me shpejtësinë e nisjes së hetimeve në rastin e Zvernecit, ndërsa për Rrjollin thotë se procesi po zvarritet. Për këtë arsye, ai i bën thirrje edhe SPAK-ut që të marrë në shqyrtim çështjen.
Ndërkohë, ai beson se protestat e paralajmëruara në Tiranë do të kenë ndikim dhe do të çojnë drejt zgjidhjes së kërkesave të tyre.
