Shoqata “Mërgimtari” ka organizuar këtë të premte një aktivitet në Shtëpinë e të Moshuarve në Shkodër, me temën “Zemra që nuk plaken kurrë”.
Aktiviteti kishte në fokus përcjelljen e mesazheve të solidaritetit, respektit dhe kujdesit ndaj të moshuarve, duke vlerësuar kontributin dhe përvojën e tyre në shoqëri.
Sipas organizatorëve, kjo nismë synon të forcojë lidhjet njerëzore dhe të nxisë më shumë vëmendje e mirënjohje ndaj brezit të tretë.
Në aktivitet morën pjesë të ftuar nga Shqipëria dhe Kosova, të cilët sollën momente artistike dhe diskutime të ndryshme për banorët e qendrës.
Nisma “Zemra që nuk plaken kurrë” u shoqërua me mesazhe për më shumë afërsi dhe kujdes ndaj të moshuarve, duke theksuar rëndësinë e vlerësimit të tyre në shoqëri.
