Në prag të nisjes së vitit të ri shkollor, Bashkia Vau-Dejës ka fokusuar një prej nismave sociale tek fëmijët e familjeve me vështirësi ekonomike.
Rreth 180 nxënës, pjesë e familjeve që përfitojnë ndihmë ekonomike, janë pajisur me çanta dhe mjete shkollore, duke marrë kështu mbështetjen e nevojshme për nisjen e vitit të ri mësimor.
Nisma është zhvilluar në bashkëpunim me komunitetet fetare dhe synon të ndihmojë familjet që përballen me vështirësi në përballimin e shpenzimeve të shkollimit.
Përmes kësaj mbështetjeje, bashkia synon të ulë barrën financiare për këto familje dhe t’u krijojë fëmijëve kushte më të përshtatshme për ndjekjen e procesit arsimor.
Nisma është pjesë e mbështetjes sociale të Bashkisë Vau-Dejës për familjet në nevojë, me synimin që çdo fëmijë ta nisë vitin shkollor me mjetet bazë të nevojshme.
