Vedat Muriqi dhe Fenerbahce vënë në jetë një kryevepër të vërtetë, me ekipin turk që triumfoi në transfertë përballë Lyon duke siguruar një biletë për në fazën e grupeve në UEFA Champions League. Fenerbahce rikthehet në këtë fazë të Champions për herë të parë pas vitit të largët 2009, për këtë arsye ky kualifikim kishte një shije të veçantë.
Sulmuesi i përfaqësueses së Kosovës bëri protagonistin në transfertën franceze pasi hapi siparin e golave, ku fillimisht goditi topin me kokë dhe më pas me një goditje të fortë brenda në zonë tundi rrjetën. Goli bëri me krah ekipin turk pasi katër minuta më vonë, në të 28-tën dyfishuan shifrat me Brown.
Lyon u përpoq të rikthehej në lojë, ngushtuan shifrat me Fofana-n në minutën e 61-të, por më pas VAR iu kthye në makth duke i anuluar dy gola të tjerë për pozicion jashtë loje. Me rezultatin e përgjithshëm 3-2, Fenerbahce rikthehet në fazën e grupeve në Champions pas një mungesë 17-vjeçare.
