Me rastin e 130-vjetorit të shpalljes së Nanës së Këshillit të Mirë Pajtorja e Shqipërisë, u zhvillua konferenca shkencore ndërkombëtare me titull “Nana e Këshillit të Mirë mes Historisë dhe Devocionit”.
Takimi mblodhi studiues, klerikë dhe personalitete të kulturës, me fokus mbi rëndësinë historike, shpirtërore dhe kulturore të figurës së Zojës në traditën shqiptare.
Romeo Gurakuqi, u ndal te historia e kultit të Zojës së Këshillit të Mirë dhe konteksti i tij historik në trojet shqiptare dhe më gjerë.
Studiuesja Lucia Nadin u shpreh se ky referim është pjesë e një pune të gjatë kërkimore me Mario Bonaldi mbi rindërtimin e diasporës shqiptare pas shekullit XV, duke theksuar se bëhet fjalë për një eksod të gjerë të klerikëve nga Shqipëria e Veriut drejt Venetos.
Në përmbyllje të konferencës u theksua rëndësia e vijimit të kërkimeve dhe e ruajtjes së kësaj trashëgimie, duke e parë atë si një urë lidhëse mes historisë, besimit dhe identitetit kulturor shqiptar.
