𝐃𝐞𝐩𝐮𝐭𝐞𝐭𝐢 𝐊𝐥𝐢𝐭𝐢 𝐇𝐨𝐭𝐢 𝐢 𝐛𝐚𝐬𝐡𝐤𝐨𝐡𝐞𝐭 𝐧𝐢𝐬𝐦ë𝐬 𝐡𝐮𝐦𝐚𝐧𝐢𝐭𝐚𝐫𝐞 𝐩ë𝐫 𝐝𝐡𝐮𝐫𝐢𝐦𝐢𝐧 𝐞 𝐠𝐣𝐚𝐤𝐮𝐭 𝐧ë 𝐒𝐡𝐤𝐨𝐝ër

Deputeti i Partisë Demokratike, Kliti Hoti, iu bashkua sot iniciativës sensibilizuese “Bashkë për jetën, dhurojmë për shpresën”, një nismë e organizuar nga Agjencia Italiane për Bashkëpunim dhe Zhvillim, IPSIA ACLI dhe Qendra Rinore Arka.

Përmes një mesazhi publik, Hoti vlerësoi rëndësinë e dhurimit të gjakut si një akt human dhe solidariteti, duke theksuar se ky gjest i thjeshtë mund të shpëtojë jetë dhe të japë shpresë për njerëzit në nevojë.

“Dhurimi i gjakut është një akt i thjeshtë, por me një vlerë të jashtëzakonshme njerëzore”, u shpreh ai, ndërsa falënderoi organizatorët, vullnetarët dhe qytetarët që u bënë pjesë e kësaj nisme.

👉POSTIMI I PLOTË

Sot, pata kënaqësinë t’i bashkohem iniciativës sensibilizuese ‘Bashkë për jetën, dhurojmë për shpresën’, një nismë e organizuar nga Agjencia Italiane për Bashkëpunim dhe Zhvillim, IPSIA ACLI dhe Qendra Rinore Arka.

Dhurimi i gjakut është një akt i thjeshtë, por me një vlerë të jashtëzakonshme njerëzore, një mundësi reale për të shpëtuar jetë dhe për të dhënë shpresë për ata që kanë më shumë nevojë.

Mirënjohje për të gjithë organizatorët, vullnetarët dhe qytetarët që u bënë pjesë e kësaj dite solidariteti dhe humanizmi.