Edi Martini do të vijojë të drejtojë KF Vllaznia edhe për dy sezonet e ardhshme. Klubi kuqeblu ka njoftuar zyrtarisht arritjen e marrëveshjes me trajnerin shkodran për vazhdimin e bashkëpunimit.
Pas sezonit të fundit, drejtuesit e Vllaznisë kanë vendosur t’i besojnë sërish Martinit projektin sportiv të ekipit, me synimin për të vijuar rrugëtimin drejt objektivave të ardhshëm në kampionat dhe kupat europiane.
Klubi i uron suksese trajnerit Edi Martini në vazhdim të aventurës së tij në krye të stolit kuqeblu.
