Dy alpinistë belgë të cilët rezultuan të humbur në Alpet Zvicerane 34 vjet më parë janë identifikuar pasi trupat e tyre u zbuluan nga shkrirja e akullit, njoftoi të mërkurën agjencia italiane e lajmeve ANSA.
Sipas policisë rajonale të Valais, një alpinist zbuloi mbetjet në korrik në një akullnajë në jug të Zvicrës pranë kufirit italian.
Pas gjetjes, trupat u transportuan në Institutin e Mjekësisë Ligjore të Spitalit Valais në Sion, ku analiza e ADN-së dëshmoi se bëhej fjalë për alpinistët që kishin humbur në zonën Weissmies në vitin 1992. Në atë kohë, të dy burrat ishin 39 dhe 41 vjeç, sipas policisë.
Policia e Valais ruan një regjistër të plotë të personave të zhdukur në këtë rajon që prej vitit 1925, përfshirë ata që janë zhdukur në terrene malore ose përgjatë lumenjve.
Në vitet e fundit, shkrirja e akullnajave ka nxjerrë në dritë gjithnjë e më shumë mbetje të alpinistëve që kanë qëndruar të bllokuar në akull për dekada, raportoi ANSA.
Rast të ngjashëm pati edhe vitin e kaluar, kur mbetjet e një alpinisti zviceran që u zhduk në 1994 u gjetën në një akullnajë në Ober Gabelhorn, në kantonin Valais.
