Deputeti i Partisë Demokratike, Kliti Hoti, ka reaguar lidhur me mungesën e terminalit të autobusëve në Shkodër, duke akuzuar qeverinë dhe bashkinë për premtime të pambajtura dhe përdorim elektoral të projektit.
Përmes një reagimi publik, Hoti kujton se projekti për terminalin e autobusëve u prezantua me shumë bujë, video 3D dhe premtime se Shkodra do të ishte qyteti i parë në vend me një terminal modern autobusësh.
Sipas tij, projekti ishte miratuar që në vitin 2022, por u bllokua nga vetë qeveria dhe më pas u përdor sërish si premtim gjatë zgjedhjeve lokale të vitit 2023.
“U premtua me bujë, me video 3D e fjalë të mëdha, se ‘Shkodra do të jetë qyteti i parë me terminal autobusesh’. Sot ai projekt vazhdon të mbetet vetëm në letër”, shprehet deputeti demokrat.
Hoti thekson se ndërkohë qytetarët vazhdojnë të përballen çdo ditë me mungesën e një terminali dinjitoz dhe me problematikat e trafikut dhe transportit në qytet, ku autobusët vijojnë të parkojnë në zona të ndryshme duke krijuar rëndim të qarkullimit.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F2540537139695350%2F&show_text=true&width=267&t=0″ width=”267″ height=”591″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
