Çfarë ndodh kur telefoni hesht… dhe njerëzit fillojnë të dëgjojnë njëri-tjetrin?
Sot, në skenën e Teatrit “Migjeni”, premiera “OFFLINE PËR NJË DITË” solli të qeshura pafund, energji rinore dhe një mesazh shumë aktual për kohën që jetojmë.
Me regji nga Mjeshtrja e Madhe Drande Xhaj dhe libreti i Gjovalin Kolajt, shfaqja ktheu skenën në një pasqyrë të marrëdhënies sonë me teknologjinë, aty ku humori dhe realiteti u ndërthurën bukur mes emocioneve dhe reflektimit.
Interpretimi plot jetë i fëmijëve të grupit të aktrimit të QKF “Kujtim Alija” solli emocione, të qeshura dhe duartrokitje në sallë. 👏
Një premierë që tregoi se ndonjëherë mjafton vetëm një ditë “offline” për të kuptuar sa shumë kemi nevojë për komunikimin e vërtetë, buzëqeshjet dhe praninë njerëzore.
