Një nga zonat më problematike te Bashkia Klos është Qaf Dushk, e cila vazhdon të mbetet një nga vendet më të ndotura. Pavarësisht alarmit të ngritur për rritjen e ndotjes në këtë territor, deri tani nuk janë ndërmarrë masa për të zgjidhur situatën. Mbeturinat që janë hedhur në ambientet përkatëse jo vetëm që nuk janë larguar, por përkundrazi, numri i tyre është rritur.
Siç tregohet në pamjet e siguruara, grumbulli i mbetjeve të ndryshme është rritur ndjeshëm. Së fundmi, janë hedhur edhe produkte të konservuara, të cilat përbëjnë një burim mundësish infeksionesh. Në këtë kontekst, kafshët shtëpiake të banorëve në zonë po ushqehen me këto mbeturina të kalbura, çka paraqet një rrezik të madh, jo vetëm për to, por edhe për gjithë komunitetin. Rrymat e mbeturinave përfshijnë jo vetëm inerte nga ndërtimet, por edhe orendi, veshje, dhe plastika të automjeteve.
Përveç këtij grumbulli, në rrugën e vjetër Klos-Qaf Buall janë të pranishëm edhe disa të tjerë, të cilët shtrihen nga qendra e fshatit Kloskatund deri në kufi me Bashkinë Bulqizë. Pavarësisht përpjekjeve të banorëve për të ndaluar këtë situatë alarmante mjedisore, ecuria e kësaj çështjeje nuk ka marrë vëmendjen e duhur, ndërsa individë të papërgjegjshëm vazhdojnë të hedhin mbeturina çdo ditë.
