Një konflikt mes disa vajzave është regjistruar në orët e vona të mbrëmjes në një lokal në lagjen “Skënderbeg” në Shkodër, ku situata ka degraduar deri në përplasje fizike.
Sipas informacioneve paraprake, debati ka nisur fillimisht verbal, ndërsa më pas është përfshirë në konflikt edhe persona të tjerë që ndodheshin në vendngjarje. Pas njoftimit, në zonë kanë mbërritur forcat e policisë për të qetësuar situatën.
Burime paraprake bëjnë me dije se në qendër të konfliktit dyshohet të jetë xhelozia, pasi njëra nga vajzat pretendonte se tjetra i kishte marrë të dashurin. Megjithatë, rrethanat e plota të ngjarjes po verifikohen nga policia.
Ngjarja ka shkaktuar shqetësim edhe te banorët e zonës, ndërsa hetimet vijojnë për zbardhjen e plotë të incidentit
