Vijon që prej orës 9 protesta qytetare në Tiranë.
Qytetarët në shenjë kundërshtie ndaj klasës politike kanë përmbysur dy kazanë mbeturinash në afërsi të selisë së PD, ndërkohë ka një numër të madh të policisë.
“Drejtori i policisë, kemi të drejtë të protestojmë sepse ndihemi të vjedhur. Kushdo polic që tenton të përdore dhunë do te përgjigjet sipas ligjit”, tha protestuesi.
Ndërkohë nga ana e saj policia i bëri apel qytetarëve që të lirojnë rrugën, pasi në të kundër do të veprojnë.
“Lironi rrugën, policia do veprojë. Bllokimi i rrugëve është vepër penale”, tha policia me megafon.
Ndërkaq mesohet se 3 protestues jane shoqëruar nga policia, mes tyre dhe aktivisti Dritan Goxhaj.
Qytetarët në shenjë kundërshtie ndaj klasës politike kanë përmbysur dy kazanë mbeturinash në afërsi të selisë së PD, ndërkohë ka një numër të madh të policisë, të cilët tashmë u janë kundërpërgjigjur, duke i ndjekur nga pas protestuesit në rrugë, të cilët janë larguar me vrap
Sakaq, paralelisht po mbahet seanca plenare e radhës, ndërsa qytetarët nuk janë lejuar që t’i afrohen Kuvendit, zonë që është bllokuar me gardh metalik.
