Përshkallëzimi i dhunës ndaj demonstruesve në rrugët e Tiranës ka ngjallur shqetësim të madh mes autoriteteve më të larta evropiane që mbikëqyrin mbrojtjen e të drejtave të njeriut dhe proceset zgjedhore.
OSBE/ODIHR reagoi me një deklaratë publike ku dënoi hapur përdorimin e forcës nga policia, duke kërkuar që incidentet të hetohen pa vonesë.
Në apelin e saj, ODIHR i kërkoi institucioneve të rendit në Shqipëri të ndalojnë menjëherë veprimet e tepruara dhe të pajustifikuara ndaj qytetarëve, duke i kujtuar autoriteteve shqiptare angazhimet ndërkombëtare që kanë marrë përsipër.
Reagimi zyrtar i OSCE/ODIHR:
“Të shqetësuar nga raportimet për dhunë gjatë protestave në Shqipëri, ODIHR u bën thirrje të gjitha palëve të mbeten paqësore. Organet e zbatimit të ligjit duhet të shmangin përdorimin e paligjshëm ose disproporcional të forcës kundër protestuesve, dhe çdo rast i përdorimit të paligjshëm të forcës duhet të hetohet me shpejtësi dhe në mënyrë të pavarur.”
