Në oborrin e Katedralja e Shën Shtjefnit në Shkodër do të zhvillohet edicioni i dytë i Panairit të Librit “Libri të ban të lirë”, nga data 28 deri më 30 maj, një aktivitet kulturor që synon promovimin e leximit dhe forcimin e jetës kulturore të qytetit.
Panairi pritet të mbledhë shtëpi botuese, autorë, studiues dhe dashamirës të librit nga mbarë vendi. Gjatë tri ditëve do të organizohen promovime librash, takime me autorë, diskutime kulturore dhe aktivitete të ndryshme për të rinjtë dhe fëmijët.
