Vllaznia duket se ka identifikuar forcimin e ardhshëm për repartin e saj sulmues. Emri i Daniel Perez është bërë i njohur në merkato, me sulmuesin venezuelian që është në bisedime për një transferim te kuqeblutë.
Me 24 vjet, ai operon si qendërsulmues dhe gjatë sezonit të fundit ka qenë pjesë e Nea Salamis, skuadër e kategorisë së dytë në Qipro, ku luajti 15 ndeshje dhe shënoi 6 gola.
Perez ka pasur më parë një thirrje për të përfaqësuar kombëtaren e Venezuelës dhe në moshën 19-vjeçare ishte nën kontratë me Club Brugge, periudhë gjatë së cilës vlera e tij ishte rreth 800 mijë euro.
Pritet tani të dihet nëse ky sulmues nga Venezuela do të bëhet transferimi i ri i Vllaznisë për sezonin e ardhshëm.
