Me kërkesë të Fakultetit Ekonomik dhe me votë unanime të Senatit Akademik të Universitetit të Shkodrës “Luigj Gurakuqi”, u miratua rikthimi i emërtimit të Auditorit A1 në “Atë Pjetër Meshkalla”.
Në mbledhjen e sotme të Senatit Akademik, 20 anëtarë votuan pro nga 20 të pranishëm, duke rikthyer emrin e një prej figurave më të rëndësishme të mendimit, kulturës dhe qëndresës shqiptare.
Vendimi erdhi pas kërkesës zyrtare të Fakultetit Ekonomik, si një vlerësim institucional për figurën dhe trashëgiminë e Atë Pjetër Meshkallës, simbol i dijes, qytetarisë dhe lirisë së mendimit.
Auditori A1 do të mbajë sërish emrin “Atë Pjetër Meshkalla”, një emër i lidhur ngushtë me historinë, kujtesën dhe identitetin akademik të Shkodrës.
