Drejtoresha e Shërbimit Social Shtetëror, , ka ndarë sot në #EPremtjaeVlerësimit historinë frymëzuese të Samiut, i cili prej vitit 1982 i ka shërbyer me përkushtim dhe humanizëm të moshuarve në Shtëpinë e të Moshuarve Shkodër.
Postimi i plotë:
☀️Mirëmëngjes me Samiun, i cili prej vitit 1982 ia ka dedikuar gjithë jetën e tij profesionale kujdesit për të moshuarit në 🏠 Shtëpinë e të Moshuarve Shkodër.
📍#EPremtjaeVlerësimit👏
Ka njerëz që punën e bëjnë thjesht si detyrë, por ka edhe nga ata që e jetojnë çdo ditë me shpirt. Samiu është një prej tyre 🙂
Puna pranë të moshuarve në 🏠 Shtëpinë e të Moshuarve Shkodër është puna e tij e parë dhe e vetme, të cilën e ka ushtruar ndër vite me përkushtim, humanizëm dhe respekt për çdo të moshuar.
Prej vitesh, Samiu ka qenë pranë tyre në çdo moment, shpesh pa njohur orar, lodhje apo vështirësi. Ditë e natë, sa herë e ka thirrur detyra, ai ka qenë aty me gatishmëri dhe përkujdesje, duke u bërë jo vetëm kujdestar, por edhe një mbështetje e afërt për shumë të moshuar.
Sot shprehim mirënjohjen dhe vlerësimin për Samiun, për vitet e tëra të shërbimit me zemër dhe për përkushtimin që vazhdon të tregojë çdo ditë 🙏🏻
