Policia ka arrestuar një nga personat e dyshuar të përfshirë në grabitjen me armë të argjendarisë në Kamëz. Mësohet se në pranga është vënë i riu nga Kruja, Elez Hysa 22 vjeç.
Sipas hetimeve paraprake, 22-vjeçari dyshohet se është i implikuar në vjedhjen me armë të një argjendarie në pronësi të shtetasit O. L., ku autorët morën një sasi bizhuterish nën kërcënimin e armës.
Gjatë operacionit janë sekuestruar edhe disa sende të kundërligjshme, të cilat konsiderohen të vlefshme për hetimin.
Ndërkohë, policia vijon punën për arrestimin e bashkëpunëtorit të tij.
“Veprime intensive hetimore për identifikimin dhe kapjen e autorëve të vjedhjes me dhunë në një argjendari në Kamëz, më datë 16.05.2026.
Në vijim të hetimeve të thelluara të kryera nga grupi hetimor, për identifikimin dhe kapjen e 2 shtetasve që vodhën nën kërcënimin e armës bizhuteri në një argjendari në Kamëz, kanë bërë ndalimin me iniciativë të shtetasit:
-E. H., 22 vjeç, banues në Krujë.
Nga hetimet dyshohet se ky shtetas, është i implikuar në vjedhjen argjendarisë në pronësi të shtetasit O. L., ku u morën një sasi bizhuterish.
Gjithashtu, janë sekuestruar disa sende të kundërligjshme, të vlefshme për hetimin.
Vijon puna për identifikimin dhe kapjen e bashkëpunëtorit dhe për dokumentimin e plotë të rastit.“- njofton policia.
Materialet procedurale i kaluan Prokurorisë, për veprën penale “Vjedhja me dhunë”, kryer në bashkëpunim.
