Kryetari i bashkisë Shkodër, Benet Beci, ka inspektuar mëngjesin e sotëm punimet që po vijojnë në zonën e Muzeut të Lundrimit.
Gjatë inspektimit, Beci u shpreh se investimi po ecën me ritme të larta dhe se shpejt hyrja e qytetit do të transformohet në një hapësirë moderne dhe tërheqëse për qytetarët dhe vizitorët.
Sipas tij, pas përfundimit të investimeve, hyrja e Shkodrës do të ketë një park spektakolar, që pritet t’i japë një tjetër pamje kësaj zone të rëndësishme të qytetit.
