Ish-portieri i Vllaznisë, Kristi Qarri, ka nisur një kapitull të ri në karrierën e tij. Portieri shkodran është prezantuar zyrtarisht si afrimi më i ri i skuadrës së Vëllaznimit në Kosovë.
Klubi kosovar ka bërë të ditur transferimin e Qarrit, duke i uruar suksese me fanellën kuq e zi dhe duke e cilësuar si një tjetër forcë të shtuar për ekipin.
“Portieri ynë, Qarri, do të mbrojë ngjyrat kuq e zi. I urojmë më të mirat! Një tjetër forcë për ekipin”, thuhet në njoftimin e Vëllaznimit.
Kristi Qarri më herët ka qenë pjesë e Vllaznisë, ndërsa tashmë do të vijojë karrierën e tij te skuadra nga Kosova, me synimin për të kontribuar në objektivat e sezonit të ri.
