Deputeti i Partisë Demokratike, Saimir Korreshi, ka denoncuar atë që e cilëson si një situatë të rëndë ndotjeje në lagjen “18 Tetori” në Lushnjë, duke publikuar një video në rrjetet sociale ku shfaqet një kanal me ujëra të zeza.
Sipas Korreshit, në këtë kanal derdhen ujërat e ndotura të zonës, të cilat më pas përdoren për vaditje, një situatë që, sipas tij, ngre shqetësime serioze për sigurinë ushqimore dhe shëndetin publik.
Në reagimin e tij, deputeti akuzon pushtetin vendor për mungesë ndërhyrjeje, ndërsa shprehet se gjendja reale nuk u tregohet qytetarëve.
“Hale dhe vetëm hale sikur të ishte në Bangladesh. Shikoni se ku derdhen halet e Lushnjës e shkojnë për vaditje. Turp”, shkruan Korreshi krahas videos në rrjete sociale.
